రామ‌నామ‌జ‌పం

 అయోధ్య‌లో శ్రీ‌రామాల‌యానికి శంకుస్థాప‌న జ‌ర‌గ‌డం మ‌నంద‌రి అదృష్ట‌మ‌ని, అందులోనూ మ‌నం జీవించి ఉన్న కాలంలోనే ఈ సంఘ‌ట‌న చోటు చేసుకోవ‌డం మ‌న పూర్వ‌జ‌న్మ సుకృత‌మ‌ని గురూజీ శ్రీ‌మాన్ శృంగారం సింగ‌రాచార్యుల వారు భావించారు. అందుకే రామాల‌యం శంకుస్థాప‌న జ‌రిగిన వారంలో ఆగ‌స్టు 5-8 తేదీల మ‌ధ్య‌న మ‌న సుంద‌ర‌కాండ భ‌క్త‌బృందం అంద‌రూ ఇళ్ల‌లో కూచుని శ్రీ‌రామ‌జ‌య‌రామ జ‌య‌జ‌య రామ అంటూ శ‌క్తి మేర‌కు జ‌పం చేయాల‌ని సూచించారు. ఆ మేర‌కు మొత్తం 152 మంది భ‌క్త‌బృందం ఈ జ‌పంలో పాల్గొని 4 రోజుల్లోనూ మొత్తం 5,86,457 నామాలు జ‌పం చేశారు. 9వ తేదీ ఆదివారంనాడు గురూజీ వారి నివాసంలోనే సుంద‌ర‌కాండ భ‌క్తులంద‌రి సంక్షేమం కోసం ప్ర‌త్యేకించి ప్ర‌స్తుత క‌రోనా క‌ల్లోల స‌మ‌యంలో అంద‌రి ఆయురారోగ్యాల కోసం హోమం నిర్వ‌హించి భ‌క్త‌బృందం అంద‌రికీ ఆశీస్సులు అంద‌చేశారు. గురూజీ ఆదేశం మేర‌కు 152 మంది భ‌క్తులు చేసిన జ‌పం వివ‌రాలు ఈ దిగువ ప‌ట్టిక‌ల్లో ఉన్నాయి. 

అయోధ్య‌కు శ్రీ‌రామ ఆగ‌మ‌నం సంద‌ర్భంగా శ్రీ‌రామ జ‌పం

జై శ్రీ‌రామ్‌

సుంద‌ర‌కాండ భ‌క్త‌గ‌ణానికి
శుభాశీర్వ‌చ‌నాలు. మ‌నం 5-8-2020వ తేదీన నీ భువిపై జీవించి ఉండ‌డం పూర్వ‌జ‌న్మ సుకృతం, ఎందుకు...??? ఎందుకు...???ఎందుకు...???

త్రేతా యుగంలో జీవించి ఉన్న సాకేతపురి ప్ర‌జ‌లు శ్రీ‌రామ‌చంద్రుని ప్ర‌త్య‌క్షంగా ద‌ర్శించి త‌రించారు. ఈ క‌లియుగంలో ఎన్నో ఒడిదుడుకుల‌ను అధిగ‌మించి సుదీర్ఘ నిరీక్ష‌ణ అనంత‌రం ప‌విత్ర స‌ర‌యూ న‌దీతీరంలో శ్రీ‌రామ‌చంద్రుడు న‌డ‌యాడిన సాకేత న‌గ‌రంలో శ్రీ‌రామ‌చంద్ర‌మూర్తి తిరిగి మ‌న కోసం శ్రీ‌రామ‌రాజ్యం మ‌రోసారి స్థాపించ‌బోతున్నారు.

5-8-2020వ తేదీ మ‌ధ్యాహ్నం 12.30 నిముషాల‌కు అయోధ్య‌లో మ‌న భార‌త ప్ర‌ధానామాత్యులు భాగ‌వ‌దోత్త‌ములైన క‌లియుగ మునీశ్వ‌రుల స‌మ‌క్షంలో అభిజిన్ ముహూర్తంలో తిరిగి భ‌ర‌త ఖండంలో శ్రీ‌రామ‌చంద్ర‌మూర్తికి ఆల‌యం పున‌ర్నిర్మించ‌డానికి శిలాన్యాసం కావించ‌బోతున్నారు. ఈ అభిజిన్ ముహూర్తాన్నే శ్రీ‌రామ జ‌న‌నం అవ‌డం, ఈ ముహూర్తాన్నే శ్రీ‌సీతారామ‌చంద్ర‌స్వామి వారి క‌ల్యాణం జ‌రిగిన సంగ‌తి మ‌నం ఎరిగిన విష‌య‌మే. అందువ‌ల‌న జ్యోతిష్యులు ఈ శిలాన్యాసానికి ఆ ముహూర్త‌మే ఎన్నుకొని ఉంటారు. ఈ విధంగా అప్ర‌తిహ‌త‌మైన శ్రీ‌రామ‌రాజ్యాన్ని మ‌ళ్లీ క‌లియుగంలో మ‌న‌కు రుచి చూపించ‌బోతున్నారు...ఎందుకు...???ఎందుకు...???ఎందుకు??? అనే ప్ర‌శ్న‌కు అందుకే అనేది దీనికి స‌మాధానం.

ఈ స‌మ‌యంలో మ‌న సుంద‌ర‌కాండ స్వామివారు 53వ సుంద‌ర‌కాండ పూర్తి చేసుకుని 54వ సుంద‌ర‌ర‌కాండ‌లో అపూర్వ‌మైన శ్రీ‌రామ ప‌ట్టాభిషేకాన్ని జ‌రుపుకోవ‌ల‌సి ఉంది. ఆ ప‌ట్టాభిషేక కార్య‌క్ర‌మం ఎందుకు స్వామివారు ఆపారో అర్ధం అయింద‌నుకుంటాను. త‌న స్వ‌స్థ‌లంలో త‌ను కొలువుదీరిన త‌ర్వాత‌నే మ‌న చేత న‌భూతో న‌భ‌విష్య‌తి అన్న విధంగా త‌న శ్రీ‌రామ ప‌ట్టాభిషేకాన్ని జ‌రుపుకోవాల‌ని స్వామివారి నిర్ణ‌యం. దానికి మ‌నం క‌ట్టుబ‌డ‌దాము. మ‌రి మ‌నం స్వామివారిని అయోధ్య‌కు అపూర్వ స్వాగ‌తంతో ఆహ్వానించ‌డానికి ఏం చెయ్యాలి?

మీకు మొద‌ట‌నే చెప్పాను. మ‌నం 5-8-2020 తేదీన ఈ భువిపై జీవించి ఉండ‌డం మ‌న పూర్వ‌జ‌న్మ సుకృతం అని. మ‌నం జీవించి ఉండ‌గానే మ‌న ఆరాధ్య దైవం శ్రీ‌రామ‌చంద్ర‌మూర్తి తిరిగి వారి జ‌న్మస్థ‌లంలోకి కాలిడ‌బోతున్నారు. ఆ నాడు అయోధ్య జ‌నులు శ్రీ‌రామ‌ద‌ర్శ‌నం వ‌ల‌న త‌రించారు. ఈ క‌లియుగంలో మ‌రోసారి రాముని ప్ర‌వేశాన్ని క‌నులారా వీక్షించ‌బోతున్నాం. అందుకే మ‌నం ధ‌న్యులం.

ఈ అవ‌కాశాన్ని మ‌నం విడువ‌కూడ‌దు. అందుకే మ‌న సుంద‌ర‌కాండ భ‌క్తులం 4 రోజుల పాటు స్వామివారి నామాన్ని జ‌పిస్తూ అయోధ్య‌కు ఆహ్వానిద్దాం.

శ్రీ‌రామ‌చంద్రుడు విజ‌యుడై త‌న స్వ‌గృహానికి వ‌చ్చేసే స‌మ‌యంలో మ‌నంద‌రం వారి విజ‌య‌సూచ‌కంగా శ్రీ‌రామ జ‌య‌రామ జ‌య‌జ‌య‌రామ అనే నామ జ‌పంతో వారిని ప్ర‌స‌న్నం చేసుకుందాం.

జ‌పానికి మార్గ‌ద‌ర్శ‌కాలు

స‌మయం లేనందువ‌ల్ల మ‌న సుంద‌ర‌కాండ అభిమానులు ప్ర‌తి వారు ఈ ప్ర‌క‌ట‌న‌ను త‌మ వారికి పంపి వారికి కూడా ఈ అపూర్వ ఫ‌లాన్ని అనుభ‌వించేట‌ట్లు చేయ‌గ‌ల‌రు.

ఈ కార్య‌క్ర‌మం 5-8-2020న ప్రారంభించి 8-8-2020 నాడు స‌మాప్తి చేయాలి.

ఎంత‌మంది ఈ జ‌పాన్ని చేశారో  వారంద‌రి గోత్ర‌నామాల‌తో 9-8-2020 ఆదివారం రోజున శ్రీ‌రామ‌చంద్ర స్వామివారికి అష్టోత్త‌ర శ‌త నామార్చ‌న‌, స‌హ‌స్ర‌నామార్చ‌న చేయ‌బ‌డుతుంది.

5వ తేదీ ఉద‌యం స్వామివారి ఫొటో శుద్ధి చేసిన ప్ర‌దేశంలో ఉంచి మ‌ధ్యాహ్నం 12 గంట‌ల నుంచి జ‌ప‌మాల‌తో పై నామ జ‌పాన్ని ప్రారంభించండి. ఉద‌యం టిఫిన్ చేయ‌వ‌చ్చును. భోజ‌నం మాత్రం మ‌ధ్యాహ్నం జ‌పానంత‌రం మాత్ర‌మే చేయాలి. ఆ రోజు ఆల‌స్యంగా ప్రారంభిస్తున్నందు వ‌ల్ల కొద్ది జ‌పం మాత్రం చేయ‌వ‌చ్చును. ఆ త‌ర్వాత 6,7,8 తేదీల్లో య‌ధావిధిగా ఉద‌యం నుంచి మ‌ధ్యాహ్నం 12 గంట‌ల లోగా త‌మ‌కు అనువైన స‌మ‌యంలో త‌మ త‌మ శ‌క్త్యానుసారం జ‌పం చేయ‌వ‌చ్చును. తాము చేసిన జ‌ప‌సంఖ్య‌ను గ్రూపులో మాత్ర‌మే  పెట్టాలి. త‌మ వ్య‌క్తిగ‌త గ్రూప్ ల‌లో పెడితే వాటిని స్వీక‌రించం. విదేశాల్లో ఉన్న వారు సాధ్య‌మైనంత‌వ‌ర‌కు భార‌త కాల‌మానం ప్ర‌కారం ఉద‌యం 8 గంట‌ల నుంచి మ‌ధ్యాహ్నం 12 గంట‌ల లోపుగా ఎప్పుడైనా త‌మ జ‌ప‌సంఖ్య‌ను పోస్ట్ చేయ‌వ‌చ్చును. ఈ స‌మ‌యం భార‌త‌దేశంలో నివ‌శించే వారికి కూడా వ‌ర్తిస్తుంది. గ‌త అనుభ‌వాల‌ను దృష్టిలో ఉంచుకుని త‌మ గోత్ర‌నామాల‌ను ఇంగ్లీషులో రాయ‌కుండా అచ్చ తెలుగు ప‌దాల్లోనే రాయండి లేదా కాగితం మీద తెలుగులో రాసి ఫొటో తీసి పంపాలి. పేర్లు న‌మోదు కార్య‌క్ర‌మం లేనందు వ‌ల్ల ప్ర‌తీ వారు త‌మ గోత్రం, ఇంటిపేరు, జ‌పం చేసే వారి పేరు విధిగా ఇవ్వాలి. అసంపూర్తిగా ఉన్న గోత్ర‌నామాలు తిర‌స్క‌రించ‌బ‌డ‌తాయ‌ని గుర్తుంచుకోండి. ప్ర‌తీ వారు ఈ 4 రోజులూ త‌ప్ప‌కుండా చేయాల‌ని నియ‌మం ఏమీ లేదు. మ‌ధ్య‌లో ఈ ప్ర‌క‌ట‌న చూసిన వారు ఆ రోజు నుంచే ప్రారంభించ‌వ‌చ్చును. ఈ స‌ద‌వ‌కాశాన్ని స‌ద్వినియోగ‌ప‌రుచుకుని  శ్రీ‌రామ స‌హ‌స్ర నామాచ‌ర్చ‌న‌లో మీ పేరు ఉండే విధంగా చూసుకోండి.

మీ
శృంగారం సింగ‌రాచార్యులు

ఆంజ‌నేయ ద్వాద‌శ నామ పారాయ‌ణ‌

గురూజీ మ‌రో మ‌హ‌త్త‌ర కార్య‌క్ర‌మానికి శ్రీకారం చుట్టారు. క‌రోనా మ‌హ‌మ్మారితో ప్ర‌పంచం అంతా గ‌డ‌గ‌డా వ‌ణికిపోతోంది. ఏ క్ష‌ణాన వ్యాధి విరుచుకుప‌డుతుందో అని ప్ర‌తీ ఒక్క‌రూ బెంబేలెత్తిపోతున్నారు. ఇలాంటి స‌మ‌యంలోనే మ‌నంద‌రం మాన‌సిక స్థైర్యంతో నిల‌బ‌డి భ‌గ‌వంతునిపై ప‌రిపూర్ణంగా దృష్టి కేంద్రీక‌రించిన‌ట్ట‌యితే  ఏ మ‌హ‌మ్మారి మ‌న ద‌రికి చేర‌ద‌ని గురూజీ చెబుతున్నారు. కొద్ది రోజుల క్రితం నాకు అది అనుభ‌వంలోకి వ‌చ్చింది. నేను జ‌ర్న‌లిస్టున‌న్న విష‌యం అంద‌రికీ తెలిసిందే. రెండు వారాల క్రితం ఒక రోజు నాకు తీవ్రంగా జ‌లుబు చేసింది. జ్వ‌రం అయితే రాలేదు గాని ఒంట్లో స‌ల‌ప‌రంగా ఉండేది. మ‌ర్నాడు స్వ‌ల్పంగా గొంతునొప్పి ప్రారంభం అయింది. అదే స‌మ‌యంలో నా భార్య శ్రీ‌దేవికి కూడా బాగా జ‌లుబు చేసింది. దిక్కు తోచ‌లేదు. భ‌యంభ‌యంగానే ఇద్ద‌రం గ‌డిపాము. ఆ మ‌రుస‌టి రోజుకి కాస్తంత ఉప‌శ‌మించింది. కాని గొంతునొప్పి మాత్రం ఉంది. ఇదంతా మంగ‌ళ‌, బుధ‌వారాల్లో జ‌రిగింది.  బుధ‌వారం ఉద‌యం గురువుగారికి ఫోన్ చేసి మ‌న‌సులో బాధంతా చెప్పాను. అస‌లేం భ‌య‌ప‌డ‌కండి, మ‌న స్వామి అండ‌గా ఉన్నారు. అనిర్వేద శ్రియో మూలం, త‌మ‌స్మిన్ శ్లోకాలు రెండూ 11 రోజుల పాటు 11 మార్లు అనుసంధానం చేయండి, అన్నీ ఆయ‌నే చూసుకుంటారు అని ధైర్యం చెప్పారు. అనుకోకుండా బుధ‌వారం రాత్రి సాక్షాత్తు మ‌న ఆరాధ్య దైవం ఆంజ‌నేయ‌స్వామివారు పంపిన‌ట్టుగానే డాక్ట‌ర్ వెంక‌ట‌శేష‌య్య‌గార‌ని ఒక హోమియో డాక్ట‌ర్ యుట్యూబ్ వీడియో ఒక‌టి వాట్స‌ప్ లో షేర్ అయింది. అది చాలా బాగుంది, డీలిట్ చేయ‌కుండా పూర్తిగా వినండి అని నా భార్య ఫోన్ చేసి చెప్పింది. ఆ వీడియోలో ఆయ‌న కొన్ని హోమియో మందులు చెప్పారు. గురువారంనాడు కెపిహెచ్ బిలో హోమియో స్టోర్ కి వెళ్లి ఆయ‌న చెప్పిన ఆర్సెనికం ఆల్బం, బెల్ల‌డోనా తెచ్చాను. జ‌లుబు, గొంతునొప్పి రెండూ త‌గ్గాయి. ఇది నా ఒక్క‌డి అనుభ‌వ‌మే కాదు. ఈ రోజు నెల‌కొన్న వాతావ‌ర‌ణంలో అంద‌రం ఇలాంటి భ‌యాల‌తోనే ప్రాణాలు అర‌చేతిలో పెట్టుకుని బ‌తుకుతున్నాం. ఏదైనా కాస్తంత అనుమానం వ‌చ్చి టెస్ట్ చేయించుకుందామ‌న్నా రెండు రోజుల త‌ర్వాత గాని స్లాట్ దొర‌క‌దు, ఆ త‌ర్వాత రిజ‌ల్ట్ రావ‌డానికి మ‌రో 48 గంట‌లు ప‌డుతోంది. ఈ లోగా ప‌రిస్థితి చెయ్యి దాటిపోతుంది. ఇదంతా ఒక ఎత్తైతే ఆస్ప‌త్రికి పోయినా టెస్ట్ రిపోర్టులు లేనిదే చేర్చుకోవ‌డంలేదు. చేర్చుకున్నా ప్రైవేటు ఆస్ప‌త్రులైతే 10, 15 ల‌క్ష‌లు గుంజేస్తున్నాయి. ప్ర‌భుత్వ ఆస్ప‌త్రుల్లో స‌రైన చికిత్స అందించే స్థితి లేదు. ఈ స‌మ‌యంలో మ‌నంద‌రం మ‌న‌సు ఆధ్యాత్మికత వైపు మ‌ళ్లించి దృఢంగా నిల‌బ‌డాల‌న్న‌ది గురూజీ ఆకాంక్ష. అందుకే ఆయ‌న శ‌నివారం నుంచి ఈ కింది కార్య‌క్ర‌మం ప్ర‌క‌టించారు. ఆంజ‌నేయ‌స్వామివారి ద్వాద‌శాక్ష‌రి మంత్ర పారాయ‌ణ మనంద‌రితో చేయించాల‌ని సంక‌ల్పించారు. శ‌నివారం ఉద‌యం ఆయ‌న ఇంట్లో క‌ల‌శ‌స్థాప‌న చేసి మ‌నంద‌రి గోత్ర నామాలు స్వామివారికి నివేదించి మ‌నంద‌రి త‌ర‌ఫున మంత్రోప‌దేశం, మంత్ర జ‌పం చేస్తారు. ఆ క్ష‌ణంలో ఆయ‌న సంక‌ల్పంలో పేర్లు చెప్పిన వారంద‌రికీ మంత్రోప‌దేశం చేసిన‌ట్టుగానే ప‌రిగ‌ణ‌న‌లోకి వ‌స్తుంది.ఆదివారం ఉద‌యం నుంచి మ‌నంద‌రం ఇళ్ల‌లోనే కూచుని ఆ ద్వాద‌శాక్ష‌రి మంత్రాన్ని శ‌క్తి మేర‌కు నిర్వ‌హిస్తే ఆగ‌స్టు రెండో తేదీ ఆదివారం నాడు మ‌నంద‌రి పేర్ల మీద వారింటిలోనే ద్వాద‌శాక్ష‌రీ మంత్ర హోమం నిర్వ‌హిస్తారు. ఇంత‌క‌న్నా మ‌హ‌ద్భాగ్యం ఏముంటుంది...?  మ‌నంంద‌రినీ ఆ క‌రోనా మ‌హ‌మ్మారి నుంచి స్వామివారే కాపాడ‌తారు. ఈ కార్య‌క్ర‌మంలో ఇతోధికంగా పాల్గొని విజ‌య‌వంతం చేద్దామ‌ని అంద‌రికీ సూచిస్తున్నాను. 

- దామ‌రాజు వెంక‌టేశ్వ‌ర్లు

హనుమజ్జయంతి సర్కులర్

ధ‌న్వంత‌రి హోమం నివేదిక‌

ఈ రోజు ధ‌న్వంత‌రి హోమం దృశ్యాలు

క‌రోనాసుర సంహారాన్ని కోరుతూ శ్రీ‌రామ‌నామ జ‌పం చేయాల‌న్న మ‌న గురూజీ సందేశం మేర‌కు అంద‌రం రంగంలోకి దిగి మార్చి 28వ తేదీ నుంచి ఏప్రిల్ 14వ తేదీ వ‌ర‌కు శ్రీ‌రామ‌నామ పారాయ‌ణం ఎంతో భ‌క్తి శ్ర‌ద్ధ‌ల‌తో చేశాము. మొత్తం 300 మందికి పైగా శిష్యులు, వారి బంధుమిత్రులు శ్రీ‌రామ‌నామ పారాయ‌ణ దీక్ష స్వీక‌రించి శ్రీ రామ‌నామం జ‌పించారు. మొద‌ట మార్చి 28 నుంచి ప్రారంభించి ఏప్రిల్ 8వ తేదీ లోగా కోటి వెయ్యి నూట ఎనిమిది (1,00,01,108) నామాలు పారాయ‌ణ చేయాల‌ని గురూజీ నిర్దేశించారు. అప్ప‌టికే ఆ సంఖ్య దాటిపోయింది. అయినా కూడా ఈ నెల 14 వ‌ర‌కు జ‌పాన్ని గురూజీ పొడిగించారు. ఇంకా తుది లెక్క తెలియాల్సి ఉంది. నా ఉద్దేశంలో అంద‌రం క‌లిసి చేసిన నామ‌జ‌పం 2 కోట్లు దాటిపోయి ఉంటుంది. ఈ రోజున గురువుగారు శ్రీ‌రామ‌నామ జ‌పం చేసిన వారంద‌రి పేర్ల మీద సంక‌ల్పం చెప్పి లోక‌క‌ల్యాణం, స‌ర్వ‌జ‌న క్షేమం, క‌రోనా నుంచి ప్ర‌పంచానికి విముక్తి ఆకాంక్షిస్తూ ధ‌న్వంత‌రి హోమం స‌మీపంలోనే ఉన్న ఒక బ్రాహ్మ‌ణోత్త‌ముని స‌హాయంతో నిర్వ‌హించి సుద‌ర‌కాండ కుటుంబం అంద‌రికీ త‌మ ఆశీస్సులు అంద‌చేశారు. ఆ ఫొటోలు, వీడియోలు అంద‌రి కోసం పోస్ట్ చేస్తున్నాను.

రామ‌నామ జ‌పం పూర్త‌యింది, శ‌నివారం ధ‌న్వంత‌రి హోమం

గురువుగారు పంపిన చివ‌రి రోజు నివేదిక పంపుతున్నాను. నివేదిక చ‌దివితే అంతా అర్ధం అవుతుంది. అయినా నేను కూడా ఆయ‌న చెప్పిన విష‌యం సంక్షిప్తంగా రాస్తున్నాను. వ‌చ్చే శ‌నివారం ఉద‌యం  ఉద‌యం గురువుగారు ధ‌న్వంత‌రి హోమం చేసి మ‌నంద‌రి గోత్ర నామాల‌తో ప్ర‌క్రియ పూర్తి చేస్తారు. ఆయ‌న పంపిన నివేదికలోని 
"ఓం వాసుదేవాయ విద్మ‌హే వైద్య‌రాజాయ ధీమ‌హి త‌న్నో ధ‌న్వంత‌రి ప్ర‌చోద‌యాత్" 
అనే మంత్రం మ‌నంద‌రం శ‌నివారం ఉద‌యం  ఉద‌యం 7 గంట‌ల‌కు క‌నీసం 11 సార్లు జ‌పం చేస్తే స‌రిపోతుంది. కింద రాసిన బీజాక్ష‌రాల‌తో కూడిన మంత్రం గురూప‌దేశం లేకుండా ఎవ‌రూ చ‌ద‌వ‌కూడ‌దు. అలా చ‌దివితే బెడిసి కొడుతుంది. జాగ్ర‌త్త‌. ఈ నియ‌మం త‌ప్ప‌నిస‌రిగా పాటించాలి. చ‌క్క‌గా ఇన్ని రోజులు పారాయ‌ణ చేసిన త‌ర్వాత ఈ రామ‌నామ పారాయ‌ణ‌లో పాల్గొన్న వారంద‌రి గోత్ర‌నామాలు నివేదిస్తూ మ‌నంద‌రి పేర్ల మీద‌ జ‌రుగుతున్న ఈ హోమం ఇంటిలో ఎవ‌రికీ క‌రోనా ద‌రి చేర‌కుండా కాపాడుతుంది. శుభాకాంక్ష‌లు. 

నేటి టాప‌ర్ కూచిభొట్ల సురేఖ‌

15,660 నామాల జ‌పం
ద్వితీయ స్థానంలో మేచినే శ‌శిక‌ళ‌
రెండో రోజు నివేదిక‌

శ్రీ‌రామ కోటి స‌హిత శ‌త షోడ‌శ నామ పారాయ‌ణం రెండో రోజు నివేదిక ఇది. ఈ రోజు భ‌క్తులు అత్యుత్సాహంతొ 3,30,650 నామాలు పారాయ‌ణ చేసిన‌ట్టు గురువుగారు ప్ర‌క‌టించారు. ఇందులో సీరియ‌ల్ నంబ‌ర్ 4. శ్రీ‌మ‌తి కూచిభొట్ల సురేఖ 15,660 నామాలు పారాయ‌ణ చేసి ప్ర‌థ‌మ స్థానంలో నిల‌వ‌గా సీరియ‌ల్ నంబ‌ర్ 38.శ్రీ‌మ‌తి మేచినేని శ‌శిక‌ళ 14,040 నామాలు పారాయ‌ణ చేసి ద్వితీయ స్థానంలో నిలిచారు. ఇద్ద‌రికీ గురూజీ ఆశీస్సులు అంద‌చేశారు.