నేటి శ్లోకం

సుందరే సుందరో రామః సుందరే సుందరీ కథా సుందరే సుందరీ సీతా సుందరే సుందరం వనమ్ సుందరే సుందరం కావ్యం సుందరే సుందరః కపిహి సుందరే సుందరం మంత్రం సుందరే కిం న సుందరం? సుందరకాండ వైభవాన్ని తెలియచేసే శ్లోకం ఇది. రామచంద్ర మూర్తి సత్య వాక్కుల్లో సౌందర్యం, ఏక పత్నీ వ్రతంలో సౌందర్యం, సీతాదేవి పాతివ్రత్యంలో సౌందర్యం, హనుమ సేవా భావంలో సౌందర్యం, కావ్య మాధుర్యంలో సౌందర్యం సీతాదేవి ఉన్న వనంలో సౌందర్యం సుందరకాండ శ్లోకాల్లో సౌందర్యం అన్నింటి కలబోత సుందరకాండ. ఇది చదివిన వారి విన్న వారి ఆత్మ సౌందర్యం వికశిస్తుంది. మనిషి మనీషి అవుతాడు. కష్టాలని అవలీలగా అధిగమించగల ధైర్యం లభిస్తుంది. అందుకే ఈ గ్రంథం నిత్య పారాయణీయం, అనుసరణీయం.